Rasaitégui Rohayhu letra

Ag̃uahê ko reimehápe
Ndéve añónte apurahéivo
Rehenduhag̃ua ha'érõ
Rasaite rohayhuha
Aipotánte rerovia
Ndenteha che arohorýva
Yvoty iponderapýva
Hi'ãitéva ahetûmba

Nderehénte henyhêgui
Che mborayhúpe ohenóiva
Manterei cheangekóiva
Rohechaseve seve
Ojajáiva ne ma'ê
Mbyja ko'ênte voíva
Nde tyvyta ipo'imíva
Jasy ra'y pyahuete

Ne rembe pytã asýgui
Rosa potýpe ojoguáva
Repukavývo ojekáva
Ndejukyeteve hag̃ua
Hi'ãiténte chepo'a
Aipytemi aikokuévo
Ha ndave cheañuãkuévo
Nde ajurakuápe ta'a

Nde rete kyrỹi guasúva
Yvága ñongatuhára
Chemopirî pirîmbáva
Remongu'évo ahecha
Che ha'e nde rayhuha
Añetéko ha'e ndéve
Eme'êmíntena chéve
Ne kunu'û takuera

Papi Basaldúa y su conjunto Los Intérpretes del Folklore - Letras

• Aháta nde rapykuéri
• Ahátamante ndepiári
• Asêta aha añehundívo
• Canción idílica
• Che Purahéi Ndereru
• Cuando la tarde se va
• Deseo que vuelvas
• Ejujeýnte, mi vida
• En el jardín de mi madre
• Ka'avo tory
• La Última Canción
• Michî Ra'ymi
• Mitã tyre'ỹ
• Ndéntemi va'ekue
• Nderesaráimapa chehegui
• Nderesaráipa ne ñe'ênguégui
• Ñembyasýpema aiko
• Pykasu veve ñemi
• Rasaitégui Rohayhu
• Rohejávo, che yvoty
• Ya Me Despido
• Ykua rapére